قالت حورية فرغلي في مداخلة مع برنامج مساء dmc بالأمس الاثنين “انا مناخيري اتكسرت في حادثة الحصان وقع عليا مش تجميل زي ما الناس بتقول وبقالي 10 شهور محدش بيكلمني ولا بيسأل عني من ساعة ما تعبت انا لما كنت شغالة ونجمة كانوا كتير حواليا وعلى طول بيكلموني وبيسألوا عليا، وانهارت في البكاء وقالت انا صعبان عليا نفسي اكتشفت ان محدش كان بيحبني لشخصي كله كان بيحبني علشان الشهرة انا مصدومه مش مصدقه انا وحيدة ولا مخطوبة ولا متجوزة وبمر بكل ده لوحدي “
انا للحظة عيني دمعت عليها قد ايه صعب انك تنام وتصحى تلاقي نفسك وحيد واقرب الناس ليك بتبعد عنك.
قد إيه وجود ناس في حياتك ممكن يكون سبب في تدميرك وتحطيمك نفسيا.
حياتنا مليانة ب اصدقاء fake بيمثلوا الحب علشان أغراض شخصية ويظهروا مع المواقف والسنين.
لو عندك صاحب أصيل وقف جنبك في اوقات صعبة وقت مرضك أو وانت محدش جنبك امسك فيه ب ايدك وسنانك ، صاحبك اللي قل معاك مرة هيعملها كتير وبعدك عنه راحه.
واخيرا الدنيا دوارة ممكن يوم تطلعك سابع سما ويوم تنزل بيك سابع ارض مافيش حاجه مضمونه لا صحة ولا مال واهل ولا أصحاب الضمان الوحيد هو وجود ربنا في حياتك
واقرأ أيضاً :
الفنان وجيه يسي يرسم” بورتريه” لـ”مشرفة باص الهرم”
مجموعة زينب الكناري أناقة كلاسيكية شتوية
السبت.. معرض “تواصل” الثالث بجاليري “المشربية”
